Alls tóku 88 manns þátt í golfmóti iðnfélaganna sem fram fór þann 11. september. Góður rómur var gerður að framkvæmd og umsjón mótsins sem var að þessu sinni í höndum FMA og Rafiðnaðarmanna. Nándarverðlaun voru veitt fyrir allar par þrjú holur auk ýmissa annarra gjafa og verðlauna. 

Það vor þeir Hallur Guðmundsson rafeindavirki og Lárus Ingi Antonsson frá Rafís sem fóru með sigur af hólmi á golfmóti iðnfélaganna, sem fram fór á Jaðarsvelli á Akureyri. Þeir léku saman á 14 höggum undir pari vallarins, en leikið var eftir texas-scramble fyrirkomulaginu.