Fréttir

Félag iðn- og tæknigreina fór í sína árlegu „Heldrimannaferð” föstudaginn 16. september. Þátttakan var mjög góð þar sem u.þ.b. 100 félagsmenn mættu frá höfuðborgarsvæðinu, Suðurlandi, Akranesi og Suðurnesjum. Að þessu sinni var farið í Borgarfjörðinn og var Barnafoss fyrsti viðkomustaðurinn þar, síðan var ekið í Húsafell þar sem snæddur var hádegisverður. Því næst var farið í Reykholt en þar var tekin hópmynd á kirkjutröppunum. Að lokum var ferðinni heitið á Hvanneyri þar sem boðið var upp á kaffiveitingar og Landbúnaðarsafnið skoðað. Eins og venja er í þessum ferðum félagsins þá var reglulega „tekið til altaris“ og sungið með undirspili harmonikku....